"Tolosa asaldatu zuten zortzi egunak". 1934ko Urriko greba iraultzaileko gora-beherak

Laburpena

1934ko urriko iraultzak Tolosan izan zuen eragina aztertzen du lan honek. Gertaera hark Gipuzkoan izandako garrantzia Arrasatera eta Eibarrera mugatu dituzte orain arteko ikerketek, baina industriak eta langile-mugimenduak indarra zuten beste toki batzuetan ere oihartzuna izan zuen sozialisten iraultza-ahaleginak. Are gehiago, zenbait jeltzalek eta anarkistek ere bat egin zuten mobilizazio harekin. Dena den, gobernuaren, herri-agintarien eta segurtasun-indarren erantzun azkar eta indartsuak eragotzi egin zuen mugimenduaren arrakasta, baita Tolosan ere.